傑志抵怡保朱志光:大敵係高濕度

2019/02/11

傑志抵怡保朱志光:大敵係高濕度

為備戰明晚作客馬來西亞對霹靂的亞冠盃外圍賽次圈賽事,傑志昨早從香港飛赴檳城,下午抵達怡保,在酒店用膳過後,晚上6時在霹靂新建成的人造草訓練場進行抵埗後首課操練,內容以緩步跑、練習衝刺力及「搓落磨」等較輕鬆訓練為主。

體力消耗快

雖然怡保當地日間溫度高達攝氏33度,但氣溫在黃昏後已有所下降,惟「藍鳥」主教練朱志光表示,不可忽視在高濕度的環境下作賽等環境因素:「雖然話夜晚涼咗,但係濕度都係比香港高好多,球員剛才郁一郁都已經成身汗,所以喺90分鐘內,球員嘅體力會好快消耗,嚟緊星期一嘅主題都係圍繞點樣喺比賽留住氣力,畢竟都係作客。由於嚟到機場之後仲要坐兩個鐘頭車,球員會攰,所以第一課主要畀佢哋郁吓同適應吓環境。」

球員方面,列斯奧疑似弄傷手臂,情況有待進一步觀察,鄭展龍則出現嘔吐情況,初步相信只是「暈機浪」。「朱Sir」又指,雖然球隊周六港超聯賽將會作客對和富大埔,但寄語球員不要分心,並先專注應付眼前對霹靂一仗。