鈴木里美古銅戰鬥格

2018/11/09

鈴木里美古銅戰鬥格

所謂良禽擇木而棲,一個人要喺事業上取得成功,當然要靠自己雙手打拚啦!若然喺一間有心栽培自己嘅公司入面打工,就更加容易成功喇!做AV女優都係一樣,如果效力嘅事務所唔識得為女優安排工作以及發展路線,想成名都幾難,好似實力非凡嘅鈴木里美近期轉投另一間事務所才得以發光發熱!

玲瓏浮凸

自從一間弱勢電視台執笠之後,曾經效力嘅藝員因而轉投到大台搵食,而呢班藝員嘅事業漸漸得以步向高峰,甚至人氣蓋過大台嘅親生仔女添!所謂時也命也,鬼叫當年加盟嗰間電視台冇人睇咩!喺日本AV界亦有類似情況,例如當年明日花綺羅同埋癡女掌門人蓮實Kurea都係出身於h.m.p,呢間廠係老字號,但係負責人嘅思維一樣古老,根本就唔識得好好栽培質素優秀嘅人才,及後兩位女優都轉投他廠發展,繼而成為天后。今日同大家介紹嘅鈴木里美,有身材又有實力,但係其女優之路唔易行,好彩最終都可以龍穿鳳,發光發熱!

雖然鈴木里美今年已經30歲,但係面上無甚歲月留痕,樣貌依然冶艷誘人,卻又散發出幾分少女味。喺好多AV迷心目中里美嘅面孔可能只係其次,一副戰鬥格身材先至係重點,胴體玲瓏浮凸,身上冇多餘嘅脂肪,腰幼纖巧又上圍飽滿,配上一身古銅膚色就令呢副身材更添健美感,亦凸顯里美嘅野性本色。

充滿力量

鈴木里美喺2007年出道拍AV,換言之女優資歷已經有11年,而喺呢段日子當中,里美曾經以淺田真美作藝名發展,但係用咩藝名都係半紅不黑,更曾經一度淪落拍四仔,原因唔係因為里美嘅外在美唔夠吸引又或者AV演出唔夠精彩,而係事務所安排失當,冇同主流AV廠拉關係,令里美拍嚟拍去都係三四線AV廠嘅立雜AV片,就算係天后都死啦!

好彩里美冇放棄,今年終於轉投到一間叫LINX嘅事務所,前途即時變得一片光明,最近平均有6、7部作品推出,仲要係拍住Moodyz、OPPAI呢類北都集團嘅主要AV廠添!里美嘅演出認真令人回味,話晒都已經拍咗11年AV,喺掌握角色神髓方面可謂易如反掌,要溫柔有溫柔,要飢渴有飢渴,可以話一出鏡就變身成為性愛機器!再加上里美嘅胴體唔單止睇得,仲充滿力量,玩不同體位時都能夠發力同男優拚個你死我活,阿妹絕對係難得一見嘅出色女優!

推介作品

碟名:《誘惑家庭教師》

片長:120分鐘

出品:Moodyz

內容:鈴木里美係一名家庭教師,經常去到後生仔裕太屋企補習,之不過里美嘅責任不限於此,因為佢相當樂意幫助裕太家中嘅男成員解決慾火!後來,裕太顯得極不專心,里美一問之下,才知道裕太渴望享受性事,里美當然唔會令佢失望,一於用熟練又溫柔嘅技巧,令裕太陶醉於溫柔鄉當中。

鈴木里美Profile

年齡:30歲

身高:5呎

三圍:34F-23-33

撰文:賢