今晚8點港隊旺角擺陣Fight爆泰國

2018/10/11

今晚8點港隊旺角擺陣Fight爆泰國

為備戰11月於台北舉行的東亞足球錦標賽第二輪預賽,香港隊今晚8時於旺角大球場與泰國隊進行熱身賽,同時是新任主帥韋特的「地標戰」。賽前雖只有3課訓練,但韋特揚言球隊已做好準備:「球員逐漸適應訓練,佢哋都係好好嘅球員,理解到我嘅戰術同理念,所有人都準備好去踢呢場比賽。」(Now 633周四晚8時直播)

港隊隊長葉鴻輝亦認同一班球員接收能力高:「我哋練波時間唔多,短時間內教練要我哋接收好多資訊,始終唔係好多時間去準備呢場比賽,好彩球員練習上吸收得好快,教練第一場比賽,希望將佢套戰術運用到出嚟。」

韋特讚氣氛似大家庭

首次與這班球員合作,韋特大讚氣氛一流:「我唔想稱讚個別球員,呢度氣氛好好,大家好似大家庭一樣,並肩作戰,好難講某幾位球員特別好。」至於今日一戰,他坦言要小心應付對手小將:「泰國係一支好強嘅球隊,佢哋速度好快,踢法機動,加上有唔少年輕球員,呢班年輕球員或者會帶嚟驚喜。」

葉鴻輝:踢法進取逼向前

葉鴻輝則期望能踢出教練部署:「近年泰國足球進步得好快,特別係佢哋嘅球會喺亞冠有好成績,球員速度、技術都好好,所以今場會係一場硬仗。不過新教練帶領下,我哋一班球員都好盡力去適應新踢法。有別於過往,踢法進取啲,教練想我哋盡量向前,會盡量做好佢。」後衞徐宏傑早前因傷退隊,港隊隨即補選唐建文,韋特認為影響不大。

至於客軍泰國,主教練米洛文透露今場比賽屬「寓賽於操」:「由於我哋上星期球季先完,冇太多時間準備,不過無論球員定教練都好了解對方,已經準備好應付今場對手,相信會係一場精彩嘅比賽。此外,我哋都好清楚香港嘅實力,今場會係踢鈴木盃(東南亞錦標賽)之前一個好好嘅準備。」