真真假假黑絲誘惑

2018/10/11

真真假假黑絲誘惑

究竟漫畫中嘅美少女迷人啲,定係現實中嘅美少女吸引啲呢?對於呢個問題嘅答案,用簡單嘅一句話嚟講,就係視乎閣下係邊種愛好者。而呢本由插畫家Yomu(よむ)炮製出嚟嘅另類寫真集《Yomu tights sepia》,就充分滿足晒二次元控同現實愛好者嘅需要。作為日本人氣插畫家嘅Yomu,最擅長繪畫穿着黑絲襪嘅美少女,喺呢本作品中,就以現實美少女嘅寫真照配合二次元漫畫美少女,兩者擺出同一個甫士,再配合黑絲誘惑,一次過滿足晒大家嘅慾望。

既然主角係美少女,外形當然相當重要,今次請嚟日本著名性感Cosplayer Amatsu樣(あまつ樣)做模特兒。Amatsu樣唔單止個樣勁萌,激凸嘅上圍更係吸引,加埋一對迷人美腿穿上黑絲襪,吸睛度滿分,而落喺Yomu嘅筆下有另一番美感。呢本將插畫加現實寫真為一體嘅寫真集,係咪好有新鮮感呢?

書名:《Yomu tights sepia》

售價:約HK$162

撰文:魂