李京善展現天然美

2018/10/11

李京善展現天然美

雖然南韓有唔少樣靚兼身材前凸後趷嘅火辣模特兒,但對於追求天然無添加嘅男士嚟講,呢種太過完美嘅模特兒,佢哋反而唔多Like。其實並非所有模特兒都經過後天改造,好似李京善咁,便憑住天然美而獲得相當高嘅人氣。

攝影出身

有唔少南韓模特兒坦言為咗令外形更加吸引,曾接受唔同程度嘅後天改造,變得更具魅力同誘人。不過李京善就唔同,當初佢投身模特兒界堅持以純天然示人,認為咁樣先至能夠展現個人魅力,與別不同。佢之所以有咁嘅諗法,原來同佢嘅出身有關,喺就學時期,鍾情攝影嘅佢兼職做攝影工作,畢業後更成為攝影師,期間佢跟好多模特兒合作,發覺大部分模特兒嘅樣貌同身材都係倒模式,欠缺自然美,所以佢認為天然無添加嘅外形係最具吸引力。

至於點解後來走去做模特兒呢?李京善表示有次進行攝影工作期間,被模特兒事務所嘅星探睇中,問佢有冇興趣試吓做模特兒,當時佢心諗自己同過唔少模特兒合作,對相關工作有一定認識,加上想試吓轉換工作環境,就係咁展開模特兒生涯。起初佢抱住玩玩吓嘅心態,慢慢發覺自己愈嚟愈鍾意呢份工,而佢亦好快熟習攝影模特兒嘅工作,對鏡頭相當敏銳,因而備受攝影師喜愛。

真我魅力

不過喺出道初期,京善經常受到批評,有人認為佢個樣太普通,外形唔夠美艷動人,亦有人認為佢神情太冷,欠缺熱情同活力,甚至有人斷言佢好快會被淘汰。不過京善一於少理,繼續做番自己,以最真最天然嘅一面示人,展現真正魅力,佢深信必定能夠吸引到其他人嘅目光。果然佢好快冒起,同時獲得事務所安排以賽車女郎身份喺國際比賽中登場,化身性感賽車女郎嘅佢,除咗散發出天然魅力,前凸後趷身材更係展露無遺,尤其係一對激凸雙峰成為賽場上嘅焦點,令人氣火速上升。

京善冇諗過事業發展得咁快,正擔心自己應唔應付得嚟之際,事務所對佢投下信心一票,不但密密為佢安排賽車女郎工作,同時又安排佢參與演出賽車女郎真人騷節目,其中一環係打美式桌球,唔講唔知,原來京善練得一手出色桌球技術,節目出街後令人氣飆升,奠定佢喺賽車女郎界嘅地位。不過大量嘅工作壓力,令佢冇時間休息,以致健康愈嚟愈差,因此暫停工作休息咗一年,而回歸後以最佳狀態示人,表現更加成熟。

精彩推介

簡介:李京善以最天然一面示人,至於佢最滿意自己邊個身體部位呢?竟然唔係激凸嘅雙峰,亦唔係修長美腿,而係鎖骨。如果大家想欣賞佢多啲靚相,就要Click入呢個網站喇。

網址:http://cafe.daum.net/leekyungsun

李京善Profile

出生地:首爾

身高:170cm

三圍:35-23-34

撰文:魂