勞高熱身賽生猛堅Sir大讚

2018/08/10

勞高熱身賽生猛堅Sir大讚

港超聯球會和富大埔與凱景昨早假九龍灣公園進行熱身賽,大埔憑勞高、哈利及伊高沙托尼各入一球,以3比0擊敗凱景。

和富大埔3:0挫凱景

賽後和富大埔主教練李志堅對球員磨合情況感到滿意:「今場波主要睇新球員磨合,OK啦!不過要再進一步就要佢哋再去遷就球隊多一啲。」「堅Sir」亦大讚今場表現生猛的勞高:「佢喺前後配合都好積極,無論有波冇波,佢都有好多跑動、好肯遠射,相信好快融入到球隊。」

凱景主教練馮凱文則謂:「賽果唔重要,最緊要係個過程。依家組軍大致完成,係睇吓有冇合適嘅外援。呢班球員可能能力同經驗差啲,但係要畀機會佢哋踢。」