今午登場港足高波炸老撾

2018/08/10

今午登場港足高波炸老撾

本屆雅加達亞運未正式揭幕,足球賽事已率先上演分組賽。香港U23代表隊今午5時,於A組登場迎戰老撾,主教練郭嘉諾直言第一場不容有失:「因為成個比賽最重要就係第一場波,只要個頭開得好,球員自然夠信心,感覺都會好啲。」

當地天氣熱似香港

球隊於前兩日抵達印尼提早適應,「郭Sir」透露當地天氣較熱,與香港情況相近,惟舟車勞頓卻成球隊一大難題:「我哋到埗時間比較夜,加上由機場去酒店車程都有一個幾鐘頭。雖然比賽嘅場地好近酒店,大約兩公里左右,但係訓練場反而比較遠,起碼要搭成半個鐘至45分鐘車先到。」

港隊為求擊敗老撾,除給予球員更多休息時間外,在訓練量亦有所調整,務求達至最佳狀態。早前港隊已演練多套戰術,「郭Sir」更揚言今仗會以高空轟炸對手,希望憑身高優勢旗開得勝:「我哋幾個球員都有1米8幾,包括杜國榆、列斯奧及安永佳等,必定要加以利用。」

港隊今次出戰亞運陣容之中,只得陳俊樂及林嘉緯有亞運經驗,「郭Sir」寄語一眾年輕小將:「希望成班球員集中啲,落到場真係可以享受咁大型嘅比賽。」

(奇妙電視77台、有線602及662台周五下午5時直播)