再添新成員東方龍獅將帥都咁Fresh

2018/07/12

再添新成員東方龍獅將帥都咁Fresh

港超聯球會東方龍獅昨日派出新加盟的林嘉緯、艾華頓,以及回歸母會的姚浩明、謝朗軒出席「欖總和東方龍獅足球隊齊齊狂歡世界盃」,早前傳出加入教練團的英籍教練格拉咸(Harvey Graham Albert)亦有到場,意味他將會是教練團一員。

格拉咸加入教練團

現年34歲的格拉咸於2017年度帶領Western Pride,在澳洲次級聯賽(昆士蘭賽區)奪得常規賽亞軍及季後賽冠軍,亦曾擔任英冠洛達咸青訓教練。格拉咸上月中到港,坦言作出加盟的決定相當困難。東方龍獅尚未正式開操,但球員有保持健身,對此他大讚:「假期過後,球員仍能保持良好狀態,相信開季前能夠做好準備。」

同場的林嘉緯表示適應不難:「好多球員之前喺球會、香港隊都合作過,其實大家都好熟,適應唔係太困難。」好兄弟盧均宜早前已宣布轉投R&F富力,新球季將在球場上對壘,「嘉緯」揚言要爭氣:「始終我哋上兩季上陣時間唔多,尤其我哋呢啲年紀,要證明自己嘅價值。」

姚浩明對於回歸東方龍獅表示興奮:「因為我同青年軍隊友外借唔同球會,依家返到嚟,以前踢青年軍嘅感覺都返晒嚟,希望可以同黃梓浩一齊踢左邊!」問及新球季展望,他謂:「希望多啲出場機會,最少兩個冠軍。」

謝朗軒則稱:「感覺好熟悉,因為見到一班由細踢到大嘅隊友,好似返番去以前,大家成日見,一放學就去練波,希望大家可以好似之前青年軍咁簡單,就係想贏波。」

對於今個球季將與曾錦濤「爭位」,「謝朗」謙稱:「去到唔同隊伍都有競爭,自己當然會盡全力爭取出場機會,阿濤(曾錦濤)有過人之處,今季相信會係我好好學習嘅機會。」