高美斯:係時候破港超錦標荒

2018/07/12

高美斯:係時候破港超錦標荒

新一季將披上冠忠南區球衣的高美斯、迪亞高、狄卡奧和卡拉錫,昨日現身新東家的新球季啟動禮,眾人都表現得信心十足。「Mr.Right」高美斯更揚言,希望可以不斷為冠忠南區取得入球,並且打破自己在港超聯的錦標荒。

新兵卡拉錫嗌Amazing

在港超效力南華期間,憑藉威力驚人的「黃金左腳」深得球迷愛戴的高美斯,繼上季短暫加盟香港飛馬後,今季再次回歸港超,他興奮表示:「好開心可以再次出戰港超聯,冠忠南區係一間充滿野心同人情味嘅球會,之前同大部分隊友都交過手,感覺異常奇妙。雖然要時間適應新環境,但我好有信心,自己可以取得突破。冠忠南區係我喺港超聯第3間球會,希望可以喺度攞到我喺香港嘅第一個冠軍!」高美斯謂希望今次加盟冠忠南區後,可以結束自己的「浪人生活」:「我仲好後生,但已經開始厭倦飄泊嘅生活,如果可以留喺香港發展都唔錯呀!」

至於由標準流浪來投的卡拉錫,對於可以與謝德謙、沈國輝和貝可泓等昔日公民戰友再續前緣,表示感到極之神奇:「上季返番嚟香港踢波我已經覺得好奇妙,今季仲可以遇番佢哋,呢啲就係足球神奇之處喇!」卡拉錫謂期望盡快為冠忠南區上陣,無論獲教練安排出任中堅或中場,都會全力以赴。