朴時賢魔鬼化身

2018/07/12

朴時賢魔鬼化身

格鬥比賽中嘅主角,固然係擂台上拳來腳往嘅格鬥家,而喺如此激動人心嘅比賽中,回合與回合之間都會有舉牌女郎登場,以緩和場上熱血嘅氣氛,佢哋性感嘅造型令人留下深刻印象,好似人氣模特兒兼舉牌女郎嘅朴時賢,正係一位令人一見傾心嘅女神。

火辣養眼

如果用魔鬼化身嚟形容一位女性嘅話,唔少人都會覺得佢應該係蛇蠍心腸,不過套用喺朴時賢身上嘅話,其實係另有所指。大家欣賞過佢嘅寫真後,就會明白點解會用魔鬼嚟形容佢,事關呢位女神級模特兒,唔單止擁有迷人嘅美貌,一副前凸後趷嘅魔鬼身材,更係超級養眼。不過朴時賢當初嘅目標並非成為一位模特兒,而係希望從事公關工作。大家咪只將焦點放喺佢嘅身上,其實佢講得一口流利嘅英語,修讀過市場學及經營學,絕非得個樣嘅花瓶。

之但係點解後嚟佢又會選擇投身模特兒界發展呢?咁就要從2005年嘅暑期工開始講起,話說當時佢希望搵到一份可以寫喺履歷上,同時又可以增廣見聞嘅暑期工,透過朋友介紹佢去咗一間模特兒事務所應徵做市場見習員,點知做咗冇幾耐,佢就被事務所問有冇興趣試吓兼職做模特兒,當時嘅佢覺得學多一樣嘢都冇壞,便答應對方。

當佢做咗幾次攝影模特兒後,感到相當有趣,因此做完咗暑期工後,佢仍然兼職做攝影模特兒,憑住亮麗嘅外形,不但人氣愈嚟愈高,更被事務所委以重任,以賽車女郎身份於賽道上現身。對朴時賢嚟講,呢次不但係佢首次嘅大型演出,同時亦係首次以超性感造型示人,事關佢要穿着極之性感嘅賽車女郎制服,低胸嘅上衣加上超短迷你裙,充分展現胸前嘅深溝,同時盡騷一對修長美腿。朴時賢稱當時不知幾緊張,直至工作完成後返到屋企情緒才平復。雖然佢自覺表現緊張,但迷人嘅外形卻獲得賽車隊伍青睞,搵佢擔任車隊嘅專屬賽車女郎,自此之後佢便成為賽場上嘅常客,經常以超性感嘅造型登場。

人氣爆發

隨住人氣愈嚟愈高,朴時賢開始進軍車模界,喺2006年嘅釜山國際車展中,佢以車模身份登場,以性感得嚟又高貴嘅形象示人,予人耳目一新嘅感覺,令人氣再次飆升。挾住如此高嘅人氣,佢喺2009年終於決定全身投入模特兒行列,正式成為職業模特兒界一員。轉為全職業後,發展更加順利,同時佢嘅野心更大,除咗經常喺潮流雜誌上見到佢,更頻頻以賽車女郎、車模、Show Girl等身份示人。2010年時佢獲事務所推薦參加賽車女郎大賽,最後獲得新進賽車女郎獎,而喺2013年及2014年時佢又喺兩個模特兒大賽中獲得佳績。不過講到人氣爆發,卻要數喺2015年擔任Road FC嘅舉牌女郎,透過呢個大型嘅國際性格鬥比賽,佢嘅亮麗身影備受注目,人氣急升。事實上,呢位迷人女神對格鬥比賽相當熱衷,每每喺擂台下都睇得相當肉緊,朴時賢表示因為激烈嘅比賽令佢睇得相當投入,而熱血沸騰嘅感覺更係令佢感到相當刺激,當中格鬥家表現出嚟嘅拚勁,更成為激勵佢不斷努力嘅動力。

精彩推介

簡介:朴時賢既然係女神級模特兒,焦點自不然落喺佢嘅樣貌同身材上,不過阿妹最滿意嘅身體部位,竟然唔係激凸嘅雙峰同修長美腿,而係肩膊,唔知大家認唔認同呢?如果大家想了解佢多啲,就要Click入呢個網站喇!

網址:http://cafe.daum.net/Smile2EK

朴時賢Profile

出生地:首爾

身 高:168cm

三 圍:36-24-35

撰文:魂