女友叫床有問題

2018/06/13

女友叫床有問題

女友鍾意叫床,但係嗌其他男人個名,唔知各位男士又點睇呢?有位男網民稱佢女友每次啪啪啪時,都會大聲咁叫床,兼鍾意嗌男人名,但唔係嗌佢個名囉!男網民表示:「起初覺得幾特別,因為佢嗌親嗰啲名我都唔識,以為佢鍾意亂咁嗌。點知後嚟發現,原來佢嗌親嘅名都唔係作出嚟,而係佢身邊嘅男性朋友同男同事,我知道後梗係扯火,問佢點解咁變態,喺做緊嘅時候嗌其他男人個名,佢起初話都唔知點解會亂嗌,後嚟又話嗌其他男人個名,可以令我興奮啲。不過唔係興奮個奮,而係憤怒個憤囉!女友話唔係對呢啲男人起痰,並且答應以後唔會咁做,但係冇耐之後佢又重蹈覆轍,大家識唔識啲女人好似佢咁呢?」

網友回應:

疾走的亞細亞:嘩!你女友擺明係水性楊花嘅淫娃啦!你仲使問嘅?喂,你試吓喺啪啪啪時嗌第二個女仔名,睇吓佢會唔會High啲?佢都傻傻哋,擺明玩你啦!

從來冇乜金:我唔知你哋拍咗幾耐拖,只係知道佢好明顯對身邊其他男性有遐想,否則點會喺做緊嘅時候會諗起佢哋吖!唔使講嘢,呢種女飛得!

覓路Sarah:可能佢真係覺得咁樣做會更過癮呢!雖然你同佢傾過,但可能對佢嚟講,呢種玩法先至有高潮,問心,佢係咪真係同嗰啲男人有曖昧先?

阿仙當奴:佢好明顯唔尊重你,喺咁重要嘅關係中,佢竟然會嗌其他男人個名,淨係呢點都已經係重罪。我未遇過呢啲女仔,如果遇到,第一時間飛,冇情講。

撰文:魂