布甸狗迷上爵士樂

2017/09/14

布甸狗迷上爵士樂

日本擁有許多的卡通人物與吉祥物,連主題餐廳都寧舍多過人。好像人氣極高的布甸狗由即日起至10月15日,與Tower Records 札幌ピヴォ店及福岡天神店聯乘開設期間限定Café,並分別於即日起至9月27日及9月28日至10月15日兩個階段進行。唱片店將會暫時改名為Jazz Café,不但裝潢及餐牌都會見到布甸狗嘜頭,還提供多款以其為主題的料理和特飲。在悠揚的爵士樂伴奏下,比其他以卡通人物做主角的餐廳層次更高。這段期間惠顧,憑兩張收據更可以換到特別版布甸狗貼紙,粉絲當然要換來珍藏喇!

網址:http://bit.ly/2eUXEjN

鬼才Tim Burton 2.0?愈怪愈愛

Tim Burton又有新作?非也!其實這些黑暗鬼怪風格的作品,出自一位12歲的加拿大男孩Callum Donovan-Grujicich的手筆。他自小便喜歡用藝術來表達自己,尤其是3D藝術。他10歲開始熱衷於創作這類藝術公仔,用的材料種類十分多元化,包括紙黏土、金屬、塑膠、織物等,總之任何物料只要他覺得合適,都會構成作品的一部分。他憑着一雙小手,替公仔縫製了無數衣服。去年他首次獲獎,自此成為眾人焦點,遠至美國德州的藝術愛好者,更樂於買下其作品;不少作品還在多間藝術館參展。Callum一直憑直覺創作,腦袋想到甚麼,就用材料化成實物。他希望長大後,躋身專業藝術家的行列,甚至參與戲劇及電影設計。

Instagram@callumdgart

世仇扮Friend 仲跳Dirty Dance

唔好扮細,只要你仲記得「請骷髏頭堡賜我力量」呢句對白,唔係70後都起碼係80頭。其實《He-Man》劇情都幾公式化,幾乎集集都係He-Man同骷髏頭魔打生打死,咁就打足130集。呢兩個應該誓不兩立嘅經典角色,估唔到會向英鎊低頭,唔打交之餘,仲跳埋舞扮Friend?話說英國有一個格價網站,最近拍咗一條宣傳片,Sell啲乜並唔重要,出位之處係He-Man與骷髏頭魔竟然化干戈為玉帛,仲喺酒吧內大跳Dirty Dance,驚嚇程度就由你自己睇片判斷了,hehe……

YouTube:http://bit.ly/2wHH9Bj

男女皆宜 化身《艦隊Collection》提督

由遊戲改編成動畫,甚至推出劇場版都同樣大受歡迎的《艦隊Collection》,一向是不少Cosplay迷的至愛,當中的人氣角色如大和、赤城都有不少粉絲曾Cosplay過,但除了一眾人氣艦娘外,你又有無興趣Cosplay一下《艦隊Collection》中的提督呢?最近日本網購網站Cospa,就推出《艦隊Collection》提督服供訂購,一身白色提督軍服,非常型仔,連鈕扣、肩章等細節位都很細緻,製作手工一流;提督服還分男、女兩種款式,無論是男女粉絲都同樣照顧到,大可一過提督癮!

網址:http://bit.ly/2w72HZq

泡菜國Fashion Artist 人手記錄街頭潮Look

每逢舉行國際大型時裝周,世界各地的攝影發燒友都會遍布場內外每一角落,務求以鏡頭捕捉時裝人最美、最自然的一面,但來自韓國的Fashion Artist SUWA,偏偏人棄我取,人人用相機,她就用畫筆來記錄遇過的潮人。畫風好鬼Freestyle,從來不起草圖,由落筆到完成一幅作品只需兩分鐘,每一筆都是憑當時的感覺繪畫,而過去大部分作品主要圍繞時裝題材,還曾舉辦過個人畫展及推出過以時裝世界為題的畫集《LOOK》呢!

YouTube:http://bit.ly/2fhXELw

「海底」做瑜伽 Mermaid Yoga

平時在陸地做瑜伽就試得多,如果喺海底做滋味會如何呢?最近網上便看到日本涉谷的瑜伽中心Being Yoga於9月16日至10月15日期間推出名為人魚瑜伽(Mermaid Yoga)的項目,特別之處是上堂的課室會投影出色彩鮮艷的熱帶魚在珊瑚中暢泳的大畫面,配合明快的音樂及海水聲音,讓參加者猶如化身美人魚在海中做瑜伽般,而該項目除了做瑜伽動作,亦會加入鍛煉身體的練習,喜歡健美又想有不一樣瑜伽體驗的朋友又怎能錯過呢?

網址:http://bit.ly/2y50jjo

可愛國產Coser 紅到日本

今日介紹嘅IG女神MISA,齋睇個網名「一萬隻煎餃OvQ」(IG@misafighting)就知佢行勁Cutie路線。打開相簿,張張相都係靚到公仔咁,佢自稱是內地嘅Coser,當然,咁可愛嘅女生,點會逃得過網民法眼,甚至令MISA紅到去日本。人紅就梗係是非多,網上一Search,「素顏」、「黑材料」等等Keyword就彈晒出嚟。老實講,以小記嘅歷練,都知道唔會100%無PS(如果真係無嘅話,歡迎MISA搵我澄清,Call我),但小記睇女宗旨就係「唔怕人造人,最怕嚇親人」,真真假假,又有咩所謂吖!

撰文:副刊組

相片:互聯網圖片