眾籌出寫真

2017/09/14

眾籌出寫真

家陣大家想創業比以前容易好多,除咗可以申請不同嘅創業基金之外,仲可以透過眾籌網站向民眾籌集資金。早前癡女系王牌里美尤莉亞就透過日本眾籌網站「Campfire」籌集資金開設美容院,最近又有另一位女優進行眾籌項目,佢就係純情可愛嘅戶田真琴喇!

今次真琴亦係透過「Campfire」集資,目標金額為250萬日圓,由於真琴人氣高企,喺AV界受歡迎之外,全力進軍粉紅電影亦已見成績,所以好快就達成目標金額,最後仲超出目標籌得3,286,000日圓咁多!至於真琴集資嚟做乜呢?原來係推出第二本個人寫真集喇!阿妹表示10月會進行拍攝,預計於明年寫真集就可以上市,到時有份捐錢嘅支持者可以獲得真琴嘅限量版寫真集。另外,真琴現正用3D打印製作真人公仔,準備送畀捐款者以答謝對方嘅支持,真係好有心思呀!

撰文:賢