華僑報 (2019/01/12)

娛 樂 | 享受駕車空間 許嘉浩約嘉賓上車傾

 著名形象指導暨藝人許嘉浩(Karl Hui)在寒風下到戶外出席名車活動擔任嘉賓。身為潮流達人嘅佢平時有留意最新車款,又會留意下身邊嘅人揀啲咩車,覺得唔同性格嘅人揀啱屬於自己嘅Dream Car會好代表到個人化獨特個性。近年好多人都會幫自己架車裝飾、鍍膜、改裝甚至密密轉款,又做汽車美容:「車本身都算係一個生活潮物,睇人地揸出嚟嘅車都睇到個個人嘅taste。重睇到個個人懶唔懶惰,如果你架車好新好靚好名貴,但你又懶打蠟又唔洗車,車窗滿佈塵同污跡,present到個車主個性都幾懶惰。」

 談到早前有去澳門近距離觀賞格蘭披治大賽車,他表示車手都好型,睇得好剌激。好多女車手都唔比男車手輸蝕,同樣快、準、辣!問到很多藝人都集合訓練同比賽,有無膽去試下?

 Karl 就自認大膽:「由細都大都追求刺激感,以前同一班同學仔去玩最勁嘅過山車、跳樓機都係排第一個,又要玩足幾輪。人地話年紀愈大會愈嚟愈膽怯唔敢玩,反而我愈玩愈大膽,重周圍出國玩笨豬跳。二0一九年新年應該要有新的大膽嘗試。」更透露將會伙拍以前曾製作台灣反應好好嘅藝人駕車談節目組主持香港版駕車談節目。同藝人朋友自訂駕車路線,享受好自由嘅駕車空間盡情Free Talk。◇