華僑報 (2018/04/17)

娛 樂 | 黃耀明明曲晚唱音樂會結束 俞琤最後伴奏一曲《下世紀再嬉戲》

 一連六場《黃耀明明曲晚唱音樂會》昨晚於灣仔演藝劇院結束,到場支持的藝人有許鋌鏗、鄧小巧、林日曦及東方昇。而演出的嘉賓有俞琤、盧凱彤(Ellen)及于逸堯,Ellen透露有首歌是寫於明哥出櫃後,當時有人支持有人反對,甚至留言傷害,她不明白明哥究竟做錯甚麼事要受攻擊。之後Ellen讀出一封「給明哥的信」,她說:「親愛的明仔,你好嗎?還記得我們第一次我們見面,你戴著寶藍色帽、神秘咁坐喺梳化上聽我同二汶唱歌。而我不知道你是誰,只知道咁靚仔一定係明星。」

 對於明哥為社會所做的一切,Ellen大讚對方是一位關心社會、有責任感的音樂人,她續說:「我有躁鬱症時有段時間冇工作能力,你叫我唔使擔心,人山人海會養我,呢句說話畀咗好大動力我要快啲好番,因為我知人山人海冇乜錢。之後發生雨傘運動,我冇見過一個歌手會對社會咁憐愛,你教曉我做對的事。唔明呢個世界會對你特別苛刻,但今晚六百幾人會寵愛你,因為我哋畀你嘅善良感染成為有taste嘅知識份子。」最後,Ellen指明哥便是她的David Bowie,笑言:「世界再壞,你都係好靚仔,我預咗要養埋你。」隨後二人合唱《誰》及《親愛的瑪嘉烈》。

 Encore時明哥介紹一位對達明一派十分重要的人物上台並表示:「冇俞琤唔會有達明一派,佢係我一位好朋友、老師,仲有半個鐘佢就生日啦。」俞琤更以ukulele伴奏《春光泎洩》,她透露亡母被明哥俊朗的外型及滿溢的才華吸引,是對方的頭號fans,「今晚係佢派我嚟,每年生日我都會同佢慶祝,自從佢唔喺度唔需要再咁做。」最後俞琤再為明哥伴奏一曲《下世紀再嬉戲》。◇