華僑報 (2018/01/13)

娛 樂 | ​樂瞳被嘲微胖似水豚 葉山豪誤講粗口被嫌棄

 奇妙電視全新旅遊節目《玩轉日本動物園》,由日本籍型男葉山豪與索爆女藝人樂瞳主持,帶大家玩盡日本關東及關西地區二十二間動物園,給大家一個新角度的另類遊樂。

 葉山豪和樂瞳到關東的那須動物王國,與日本最萌的動物水豚浸溫泉,樂瞳還自備貝殼形的性感泳衣上場。她表示裝備不夠:「帶咗三套泳衣唔夠呀!一落機就要再買。」與水豚君浸溫泉是她一直很期待的行程:「我一知道有得同水豚浸溫泉就好興奮,好想抱住一齊浸!」樂瞳近距離看到水豚,十分好奇:「我一早已經follow咗佢哋好耐!」而沒有下水的葉山豪變身「籠友」,幫樂瞳拍寫真級靚相。他在旁笑樂瞳最近長了不少肉:「都唔知佢係水豚定你係水豚,你哋一樣樣。」

 作為「日本通」的葉山豪十分識趣,帶樂瞳四圍玩,但樂瞳大呻:「佢成日都講粗口呀!搞到我接唔到落去!」葉山豪則表示冤枉:「我學廣東話嘅時候朋友教我架!佢哋話唔係粗口嚟架!」葉山豪稱難以分辨哪些字是粗口,也不知道哪些字不能在節目上講。兩位雖然第一次合作,但常常互窒對方,大放笑蛋,十足十歡喜冤家。◇