【Emily】銅芯口罩庫存45萬個 邱騰華:繼續派畀「回港易」港人

2021/01/14

【明報專訊】政府早前派發兩輪「銅芯抗疫口罩」,民建聯議員陳克勤喺立法會提出書面質詢,問政府會點樣處理存貨,商務及經濟發展局長邱騰華引述創科局資料話,截至本月11日,政府一共派發1034萬個「銅芯口罩」,現時庫存仲有45萬個。邱騰華透露,政府喺機場、深圳灣及港珠澳大橋香港口岸,共派發咗16萬個口罩,因應「回港易」措施,政府會繼續喺3個口岸派銅芯口罩畀回港嘅港人。

相關字詞﹕回港易 邱騰華 銅芯抗疫口罩