【馮仁昭四圍超】 陳子聰代超儀領獎受責 | 專欄 | 日報 | 娛樂 | 20191203

2019/12/03

何超儀日前獲馬來西亞嘅「第五屆世界傑出大師卓越頒獎禮」頒發世界傑出藝人大師卓越獎,楊紫瓊則獲頒電影巨星大師卓越獎。由於超儀要到廣州參與音樂節,所以由老公陳子聰代領。

陳子聰由於早到現場,就喺佈景板前同超儀嘅相影合照,領完獎後,佢又好鬼馬咁拎住個獎同超儀紙板合照,仲將兩個獎放喺老婆胸前。超儀之後睇番老公代領獎片段,即時鬧爆冇多謝幕後團體。
撰文:馮仁昭