遭割頸警質疑獨立調查:知識分子針對政府 | 日報 | 要聞港聞 | 20191203

2019/12/03

【本報訊】10月13日一名警員在觀塘港鐵站被人以利器割頸受傷,央視旗下中國環球電視網(CGTN)昨發表該名自稱Alex的警員的訪問。Alex承認警員近月工作時間漫長且不定時,心理及體力承受巨大壓力,殃及家庭。其妻(May)亦說從未如此擔心丈夫的工作,她認為社會對警察的不信任與質疑,可能源於不滿政府。


訪問相信是在香港進行,Alex與妻子均只以背面示人。戴上口罩的Alex頸部有一條疤痕,聲線沙啞。對於自己遇襲,他稱:「香港裏面有一部份人係完全冇自己獨立嘅思維,佢哋被其他人士影響,去做呢啲咁激進嘅行為。」

過去數月,警方鎮壓示威所用武力不斷升級,由催淚彈到水炮車,甚至真槍實彈,但Alex反指警方武力低於示威者:「有人用汽油彈,去掉磚、用箭,襲擊我哋嘅同事,呢啲全部都係致命嘅暴力襲擊,而警察所用嘅都係一啲相對較低層次嘅武力。」

警務人員多次在鎮壓示威的場合上,謾罵、毆打無辜市民及記者,新任警務處長鄧炳強亦承認個別同事「躁動」,Alex投訴他們工時甚長,「我哋去一個地點駐守,其間十幾個鐘並唔可以休息同埋離開,甚至乎唔知道幾時可以休假,而每日嘅工作時間、當值時間都有所不同,身體狀況同埋心理狀況係承受好大壓力,我相信亦都會影響到家人」。

社會要求成立獨立調查委員會聲音從未減弱,Alex一邊說持開放態度,一邊質疑委員會由何人組成:「呢幾個月所見,大學嘅校長、一啲受過高等教育嘅人士,佢哋都係針對警察、針對政府,我哋香港可以搵啲乜嘢人做呢個委員會嘅成員呢?」

自稱May的Alex妻子也有受訪,她說這是丈夫執勤多年來第一次受傷,以前從來不會擔心他受傷,但近月暴力行為嚴重,因此這幾個月很擔心。她說近期看新聞會很不開心,覺得自己是被孤立一群。「我先生都俾人起咗底,小朋友學校都會有……𠵱家大家嘅小朋友都唔可以話畀人哋聽爸爸係做警察」。

主持問她如何理解社會不信任警察及質疑,節目中不停流鼻水的她說:「我都唔係好明白,可能佢哋唔鍾意政府,想搵一啲嘢嚟……我都唔係好知。」