隔牆有耳:政府再回應訴求?市民集體炒車 - 李八方 | 專欄 | 隔牆有耳 | 日報 | 要聞港聞 | 20190912

2019/09/12

噚日朝早網傳多幅疑似彭博通訊社終端機嘅畫面截圖,聲稱彭博以「Market Chatter」形式發表「突發新聞」,話引述《南華早報》指港府下午4時回應「其他訴求」,好多人估政府係咪接納搞獨立調查委員會?更有傳政府4點開記者會宣佈,正當傳聞滿天飛,差人又忽然宣佈取消原訂4點記招,更加令傳聞似層層。

不過好快彭博、《南早》否認曾發表相關報道,截圖係假嘅,特首辦亦話冇喺4點開記者會,呢個時候又傳其實4點個記者會係講政府同發展商收購土地,但發展局好快否認,原來全部係流料!至於差人為乜取消4點記招?差人喺fb解釋,過去五星期每日記者會,原本為過去24小時或周末發生過重要事件向傳媒同市民交代,未來將改成按需要喎!