機管局促削機鐵班次限人流 | 日報 | 要聞港聞 | 20190814

2019/08/14

機管局發言人昨中午發新聞稿,指留意到網上有人發起到機場進行公眾活動,機場緊急應變中心已經啟動,基於航班數量減少,為維持有效管理機場運作及人流管制,由下午1時起機場快綫列車將調整班次,惟未有詳情。

但港鐵澄清,機鐵服務維持正常,至下午才指因應政府及機管局要求,為配合機場客流管制措施,機場快綫列車服務維持12分鐘一班。據了解,機管局為限制進入機場的示威人數,要求港鐵削減機鐵班次。

職工盟主席兼空勤人員總工會理事吳敏兒指出,所有航班操作由民航處負責,「除非控制塔有大量嘅人冇返工,無法指揮升降」,否則無合理理由取消所有航班,她質疑機管局以取消航班等手段打「經濟牌」,抹黑反送中示威者,「𠵱家取消晒所有航班,經濟俾你哋搞冧晒,但取消航班嘅決定權唔係示威者同航空從業員」。她指多次機場示威活動均和平進行,「你刻意做到咁,係好想營造經濟受到好嚴重嘅打擊,做到怪示威者同支持示威者嘅人,但越係咁樣只會令人反感」。

立法會交通事務委員會委員陳志全質疑,機管局取消航班及削減機鐵班次等小動作是抹黑示威者,「你削減機鐵班次,好明顯係想阻止市民到機場集會,咁做只會更惹示威者反感,帶來反效果,根本冇呢個必要」。

■記者謝明明