隔牆有耳:詩姑呻港做嘢冇激情

2017/09/13

香港基本法委員會副主任梁愛詩噚日出席一個國慶活動時,向在席嘉賓大談乜嘢叫「一帶一路」,一開始就向大家推介電影《大國崛起》,話所謂大國,其中一樣就係要喺軍事上,有攻守對抗嘅實力,包括要擁有「核武、航母、導彈」,話咁先足以保衞自己獨立同領土完整喎。

封口唔答港獨橫額問題

講完核武,詩姑又話香港同其他地區一樣,近年進入一個發展較慢階段,繼而插香港近年社會政治化,內耗浪費咗唔少精力,搞到「做事缺乏激情」,其後更特別提到前海深港服務業合作區計劃,香港「沒有好好利用」,唔知又關唔關過去亂港5年嘅689事?
唔少傳媒喺活動結束後,諗住問吓詩姑有關大學民主牆嘅港獨橫額問題,但詩姐一見傳媒即「封口」,同林鄭「收火」舉動不謀而合,似乎唔想火上加油!

李八方